Սաֆարյան Էդգար

Էդգար Կառլենի Սաֆարյանը ծնվել է 1991 թվականի փետրվարի 13-ին։ 1998-2008 թվականներին նա սովորել է Ավանի N177 դպրոցում՝ մշտապես ցուցաբերելով ակտիվություն և հետաքրքրասիրություն ուսման հանդեպ։

2009-2011 թվականներին ծառայել է Լեռնային Ղարաբաղի Հանրապետությունում որպես հրետանավոր։ 2012-2021 թվականներին Էդգարը եղել է Հատուկ նշանակության բրիգադի ծառայող՝ մասնակցելով մարտական գործողություններին, իրականացրել պարաշուտային թռիչքներ և մասնակցել ՀԱՊՔ զորավարժություններին՝ զբաղեցնելով առաջին հորիզոնականը։ 2020 թվականին նա գործուղվել է Սիրիա՝ մասնակցելով պատերազմական գործողություններին տևողությամբ 10 ամիս։

«Որպես «Հայրենիքի Պաշտպան» ՌՀԿ-ի ծրագրերի պատասխանատու՝ իմ առաքելությունը Սյունիքի սահմանամերձ գոտիների անվտանգային և շինարարական հզորացումն է։ Մենք անցել ենք պատերազմի ամենադժվարին ճանապարհներով, և այդ նույն վճռականությամբ այսօր կառուցում ենք մեր երկրի վաղվա օրը։ Իմ պատասխանատվության տակ գտնվող յուրաքանչյուր ծրագիր՝ ապաստարանների կառուցումից մինչև համայնքային վերականգնում, իրականացվում է բարձրագույն նվիրումով, որպեսզի մեր բնակավայրերը լինեն պաշտպանված և կենսունակ։»