Գյուղ կանգնի, գերան կկոտրի» ծրագիրը ռազմավարական նախաձեռնություն է, որն ուղղված է Հայաստանի գյուղերի տնտեսական վերակենդանացմանը և համայնքների ներուժի լիարժեք մոնետիզացիային։ Նպատակն է բարձրացնել գյուղաբնակների կենսամակարդակը՝ զարգացնելով տեղական ձեռնարկատիրությունը, աշխատատեղերը և ներդրումային միջավայրը։

Ծրագիրը հիմնված է մոնիտորինգի և անհատական մոտեցման վրա․ յուրաքանչյուր գյուղի համար մշակվելու է առանձին բիզնես պլան՝ ելնելով տվյալ բնակավայրի ներուժից, տեղաբնակների հմտություններից և շուկայի հնարավորություններից։ Համայնքների զարգացմանը կուղղվեն նաև ուսանողների ու մասնագետների ներուժը՝ ներառելով մարկետոլոգներ, տնտեսագետներ, զբոսաշրջության մասնագետներ, հաշվապահներ, իրավաբաններ և այլոց։

Ծրագրի շրջանակում կիրականացվի՝

• Տեղական արտադրության զարգացում

• Ագրո, էկո, գաստրո և արշավային տուրիզմի խթանում

• Համայնքային մշակութային միջոցառումների և փառատոների կազմակերպում

• Արհեստների ու ժառանգության վերածնունդ

• Տեղական ապրանքների արտահանում և շուկաների ընդլայնում

Սյունիքի մարզը դիտարկվում է որպես պիլոտային տարածք՝ հետագայում ընդլայնվելու հեռանկարով։

Ծրագրի իրականացման ֆինանսավորումն ընթանալու է ՀՀ կառավարության, միջազգային և միջպետական կառույցների, հիմնադրամների, դոնորների և Սփյուռքի ներդրողների աջակցությամբ։